DaDa驚遇露雀狂

早前被本報拍到與男藝員李雨陽及同門「E cup教主」鄧伊玲（阿旦）等人夜遊鬼屋的陳靜（DaDa），日前率與同門師妹阿旦、「混血E神」林宜芝（Monna）、梁雅淳（Bambi）、蔡瑩瑩（Ivy）、李宥彤（Liz）開校服派對提早慶祝萬聖節，自言膽小的DaDa坦言玩鬼屋十分回味，笑指當日不斷攬實身邊的友人，又透露曾試過在萬聖節派對遇露體狂︰「對方只係着住斗篷行嚟行去，而下體有舊嘢無遮無掩，初時以為係畫上去，因為萬聖節個個衣着都好騎呢。」後來朋友告知她這是一名露體狂，令她感到十分愕然，她說︰「好愕然但唔算好尷尬，佢都係想人哋注意佢。」問當時有否報警？她說︰「嗰時冇，因為唔想搞大件事，但依家遇到而且嚴重就會考慮報警處理。」

Monna被老外非禮

提到於萬聖節遇到不愉快事，Monna則自爆曾被老外摸Pat非禮︰「大家玩緊嗰陣佢用手摸我個Pat，我即刻捉住佢隻手鬧佢，不過佢當耳邊風。」Monna對此事十分激氣，指夜蒲會更加小心，她說︰「會小心啲，但唔驚得咁多，盡量同朋友喺房入面玩。」此外，眾人均表示有意相約於今年萬聖節出擊夜蒲，問會想不想有艷遇？眾人說︰「最重要玩得開心，呢啲隨緣啦，通常都係外國人主動行埋嚟，佢哋比較熱情。」

Monna被非禮摸pat大為嬲怒。

Ivy水手裝晒長腿更添魅力。

文︰專案組

陳靜（左三）率一眾師妹慶祝萬聖節。

Liz這個可愛魔鬼，當然嚇不到人。

攝︰沈健程

場地︰Misto Restaurant