心情矛盾驚愈講愈衰
JC昨日以短片交代疑似淫照事件，片中所見她戴帽及穿吊帶小背心露出事業線，身心行為學家李寶能醫生表示，JC的打扮顯得她當時心情十分矛盾，他說︰「佢戴帽潛意識想保護自己有安全感，但佢又着得性感，顯然佢係一個性格矛盾嘅人。」
李寶能又指JC說話時手部動作是輔助語言︰「因為佢想講好多嘢，但唔知點表達出嚟，之後佢哽咽甚至暫停拍攝，因為好多嘢超出控制範圍，怕愈講愈衰。而佢拍呢段片係想畀支持關心佢嘅人睇，所以最後會有一個飛吻，但由於佢當時心理狀態唔協調，原本要莊重拍呢段片，但做咗呢個動作，同個氣氛唔太夾。」