王浩信求婚戒指過卡

王浩信日前被本報踢爆與女友陳自瑤（Yoyo）入紙註冊結婚，前日他趁女友Yoyo有工作在身，便與母親一起到名店揀求婚戒指，更買了一隻卡地亞約卡幾鑽戒準備向女友作「紀念性求婚」。記者昨日致電給他，他坦言現時正一手一腳籌備婚禮，二人更打算搬新居，故相當忙碌。問他打算怎樣求婚？他謂：「唔講得，講咗咪冇神秘感！」問到浩信是否Yoyo有孕才急結婚？他說：「唔係！不過我哋都喜歡小朋友，（叫佢生多幾個？）幾個咁多？唔好要佢咁辛苦，一、兩個算啦！」