尹子維融情入歌 唱一夜真愛
藝人兼歌手尹子維雖然形象花弗，亦不時落夜場玩一夜情，但他自言在一夜情中亦找到過真愛，而且香港人開放程度不遜於美國人，而他就特意將有關感受及心態化成歌曲，收錄在11月推出的新碟中。
常在電影演出奸角、形象花弗的尹子維，近日簽了好友吳彥祖的唱片公司，相隔11年再次出碟，並於下月推出。新碟內不少都出自他的創作，概念都來自男女關係、情愛觀等。
從未展開「琪」情
問他可接受One Night Stand？他直說：「可以！我有首歌叫《瞬間初夏》，講你一朝起身，身邊個Partner可能唔會同你有希望，但係間唔中都可能畀到真正感覺你，（有冇試過咁樣搵到真愛？）唔止一次，行內、外都有。（唔公開？）每人都有唔同睇法，公開權不在我。」
提到曾在萬聖節party中被拍到與他激吻的緋聞女友、名模貝安琪，他說：「歌曲入面唔係直接關於佢，好似有套電影《Closer》，講一對情侶一個浪漫，一個實際，（你同佢就係咁？）唔係，我同佢冇正式一齊，如果拍拖唔會隱瞞。」
問他是否經常「換畫」？他自言認真拍拖次數只有5次，都有「玩過」不少次。他覺得香港人不會比美國人保守，因為美國有很多教徒，所以他們蒲完後多少有罪惡感，反而香港人沒有宗教包袱，私下很開放，而這個世界所有大都會有類似情況都不出奇，因為是現代世界很平常的事。
文：王羽飛 攝：司徒國榮