張可頤王后發威處死黃德斌
張可頤、黃德斌為劇集《呂后傳》（暫名）拍攝2012年節目巡禮，二人當日分飾呂后及韓信，拍攝時，可頤一派王后風範要把德斌處死，要吊威吔上陣的德斌坦言差點抖不過氣。
七年冇拍古裝
可頤坦言還未知該劇真正拍攝時是否她拍，她謂：「都係未知之數，04年開始我已冇拍古裝，多年之前喺《楚漢驕雄》入面我都飾演過呂后，但因為偏重男人故事，故篇幅不多，有機會都想演多一次呂后。」而德斌亦然，一切要等公司安排。
被挖要諗清楚
與無綫仍有部頭合約的可頤，坦言陳志雲及樂易玲都分別找她傾談續約事宜，說到無綫花旦買少見少，問是否想找她簽包薪合約？可頤說：「我同自己經理人合作得好舒服，其他嘢要詳談，做演員當然想有好嘅角色、製作參與。（王維基有冇搵你？）冇就係呃你嘅，其實都傾過，不過要啲時間諗清楚。」德斌亦承認王維基那邊有聯絡他，無綫亦已找他傾談合約，但他現時忙拍《天梯》，沒時間傾談，遲些再作考慮。
文：影視組