基仔當Lorraine面咀JC

基仔前晚在紅館舉行首場巡唱，今次以多個童話故事的造型示人，其中和JC就以王子與公主Look出場。身穿公主裙的JC落力谷出招牌「警鐘胸」，伴隨王子打扮的基仔繞場一圈，然後走到台中央情深一吻，全場歌迷即時起哄！

其後，基仔又教JC講廣東話，除了作自我介紹外又叫她嘗試講出「我跳舞跳到隻腳勁腫」，結果不擅廣東話的JC將「勁腫」講成「警鐘」，引得觀眾拍爛手掌。

Lorraine	JC未有令人失望，谷盡「警鐘胸」示人。	基仔突破自己苦練跳舞，歌迷大讚！

笑言終極個唱

在個唱中基仔以《星球大戰》及《未來戰士》等造型亮相，又問觀眾是否相信2012年是世界末日，自言相信末日的他笑言今次就是他最後一個演唱會。同時又反問自己有甚麼可以做，此時台下的觀眾就大叫「結婚」，基仔聽到後笑笑口話：「我唔係講結婚，你哋搞錯晒啦！」至於他的緋聞助手女友Lorraine整晚在後台打點，全心全意做基仔背後的女人。

談末日結婚論

騷後，基仔於後台會見傳媒，提到有歌迷大叫他多謝Lorraine，基仔解釋：「開騷前已經多謝過晒，佢係其中一個，有好多人需要多謝，唔單止佢一個。」問到既然相信世界末日，會否考慮盡快結婚？基仔說：「如果世界唔末日，咁婚就結得過啦！」談到在台上跟JC咀嘴，基仔笑言只是劇情需要，而且是排舞老師及導演的要求。

文：音樂組