娥姐爆料 王維基挖角 張兆輝狂收追魂Call
張兆輝、商天娥（娥姐）昨日出席全新處境劇《結．分@謊情式》拜神活動，張兆輝已有十年沒替無綫拍劇，笑言儼如當年新人返藝訓班一般，幸得娥姐帶路。
提到有指王維基力挖張兆輝加盟，在旁的娥姐即說：「佢有架！日日都打畀佢！」張兆輝即說：「唔係，邊有日日咁犀利，佢都冇約過我食飯，我手頭上工作都忙到明年年尾，呢套拍到明年三月，唔諗住嘞！依家話就話120集咋，我有信心分分鐘會變二、三百集。」之前無綫指會加人工給傾約藝員，問他會否後悔錯過黃金期？張兆輝笑說：「唔會後悔，可能我遲啲再高價啲呢！」
李雨陽陳靜發展中
同場的無綫藝員李雨陽之前被指與o靚模陳靜（DaDa）到澳門拍拖睇演唱會，他否認拍拖，但承認進展不錯，現時二人朋友關係，李雨陽說：「了解吓先，我呢啲七十後，年輕人嗰啲『速食』唔啱我。（會否注意其身材？）都未睇過佢嘅寫真。」他之前一直指還有半年約但無綫還未跟他傾約，他笑言：「一陣上藝員部問吓先。」
文：影視組