李美鳳兩遇少男搭訕

久未露面的李美鳳前晚專程由台灣返港出席「關注乳癌運動」揭幕活動。問到近況如何？她說：「都係忙照顧家庭，不過嚟緊我已經同老公請咗兩個禮拜假，同班女朋友去歐遊，對仔女都13歲，連埋懷胎十月即係14年，每年一日假，今次用晒14日，自己都係第一次離開老公同仔女咁耐，我都想仔女獨立啲，同時都訓練自己獨立啲，因為佢哋始終會大個。」記者笑言她保養有道，可會擔心有艷遇？她笑說：「之前去加拿大都有兩次，一次喺博物館，一次就喺餐廳，個男仔不停同我傾偈，我心諗我可以做得佢媽咪。」
保養得宜的李美鳳，笑言曾遭年輕男子搭訕。
保養得宜的李美鳳，笑言曾遭年輕男子搭訕。

同場的楊千嬅被問到造人大計？她說：「其實生BB最緊要係心情，忙埋十二月我就會放個幾月假，到時日日約朋友食飯實開心。（全力造人？）呢啲嘢唔使嘅，最緊要係中，同埋係個天畀嘅，命中注定。」而林莉在裙子上綁上蝴蝶結以響應活動，發揮設計天分。

千嬅養好心情等生Ｂ。
  • 千嬅養好心情等生Ｂ。
林莉以蝴蝶結裙子發揮設計天分。
  • 林莉以蝴蝶結裙子發揮設計天分。