城城巡迴飛舞搵命博
郭富城將於十二月在紅館開「舞臨盛宴世界巡迴演唱會2011」，他昨日則為演唱會舉行記招，城城表現風騷捉住主辦商之一的張耀榮跳舞。城城稱今次是繼「舞林正傳」後另一個演唱會，會有無形壓力。被問到是否要破450度旋轉舞台的紀錄？城城謂：「兩個月前已構思緊舞台表演方向，以依家科技要突破舞台上視覺聽覺唔難，但就要畀重新感覺大家。」
拒為Lynn訂票
而被問到會否有爆炸性構思？城城大賣關子說：「喺平地跳舞已滿足唔到我，就算之前450度旋轉亦超越唔到我，今次我會凌空跳舞，係冇威吔嘅，其他唔講嘞！（係魔術？）唔係魔術，係表演藝術，亦有一定危險性。（係咪飄浮定係取巧？）唔講得住。」除了獨特的「凌空舞姿」，城城稱還會從美國請來排舞師，對方曾與多位國際巨星合作。
至於十場的內部訂票據知反應不俗，問到是否會加場進行跨年演唱？城城笑言：「唔係我想跨就跨，都要睇反應再考慮。」問到其女友熊黛林（Lynn）訂幾場？城城說：「唔知喎，我拒絕晒所有朋友訂飛，就連屋企人都冇得講。（請Lynn食檸檬？）講完啦。」
文：音樂組
攝：唐豁莊