戚黛黛日隊三罐汽水

戚黛黛最近為主持的電視節目《香港有飯開》充當「白老鼠」，每日三罐汽水連飲七日後接受身體檢查觀察變化，她說：「我本身唔飲汽水，但係都心甘情願做白老鼠，因為屋企人同朋友都好鍾意飲，我都想知汽水對身體有好處定壞處，有醫生睇住，過程係好安全。」
戚黛黛做「白老鼠」，坦言心理壓力很大。
戚黛黛做「白老鼠」，坦言心理壓力很大。

日飲三罐汽水對黛黛構成心理壓力遠高於身體壓力，她說：「飲咗七日身體上冇壓力，反而心理壓力好大，成日要提醒自己幾時飲或者飲咗未。」今次亦為黛黛帶來驚喜，她說：「一直以為自己身體麻麻，但檢查結果意外健康，各指數都好正常，唯一係脂肪比例較高，都要畀心機做運動減肥喇﹗」

戚黛黛連飲七日汽水後接受抽血檢查。
  • 戚黛黛連飲七日汽水後接受抽血檢查。