陳偉霆焗住護阿Sa

蔡卓妍與男友陳偉霆日前為代言的adidas服裝拍攝新一季廣告，是二人首次以情侶檔為該品牌演出。拍攝當日撞正天文台掛起「酷熱天氣警告」，二人要穿秋冬裝在大球場拍攝，當中不乏羽絨褸，即使他們大汗疊細汗，但仍專業地跳來跳去拍「飄浮」鏡頭。

冷氣房「回氣」

工作人員知道兩人苦況，不但準備凍飲，還備有冷氣房供他們在空檔時休息。William雖然自己熱得要命，但細心的他不忍阿Sa捱苦，每次埋位前都寧願捱熱為女友試位，讓阿Sa在冷氣房「回氣」，阿Sa笑說：「佢好體貼，咁熱都咁樣為我，（冧唔冧？）幾啦！」

阿Sa精力充沛，經常跑跑跳跳。

William為女友捱熱試位，好不體貼。

問二人是次情侶檔合作有否增加酬勞？阿Sa說：「係之前簽落，所以冇加，希望下次佢哋會加碼！」由於二人工作都十分繁忙，難於度期拍攝，William笑說：「等佢（阿Sa）等得好辛苦！」阿Sa即解釋：「之前不停去內地宣傳Twins新碟，少時間喺香港啫！」

文：音樂組