王浩信訂定酒席娶硬陳自瑤
無綫藝員陳自瑤（Yoyo）、王浩信已拍拖一段日子，是圈中公開的一對，雖然之前Yoyo出席活動被問及婚期時，坦言未有人向她求婚，但據知原來浩信已密密籌備婚宴，更於港島香格里拉酒店訂酒席，打算給女友一個驚喜。昨日記者致電給浩信問他婚事時，他即驚訝謂︰「吓！點解會有人知？我係有咁嘅planning，但仲未正式同佢（Yoyo）求婚，之前我暗示咗好多次想結婚，但佢好似仲諗緊，依家只可以話係求婚當中。」
有傳二人已買樓並打算組織小家庭，浩信謂︰「睇緊啫！係會搬，但唔係買，之前嗰度畀人影完都要搬啦！咁新嗰度又大啲，就算結婚都啱用。」之後記者再致電給Yoyo，她口窒窒謂︰「其實我未知，之前佢係一路有講，我當然要佢好好咁求婚，唔係齋講，佢都未有一個全面嘅行動，（未有戒指同鮮花?）未呀！睇吓佢求婚過程啱唔啱我心水先啦！不過佢有時都有啲驚喜畀我嘅！」