猛撼大貨車 裕美炒車︰差啲上天堂
歌手裕美昨日在將軍澳遇上車禍，她乘搭的私家車跟一輛大貨車相撞，私家車的車頭嚴重損毀，幸好裕美福大命大沒有大礙，只是感到頭暈和腰痠骨痛，但已被嚇到魂魄唔齊，更說自己差點上天堂。
昨午約3時，裕美乘坐助手駕駛的私家車入無綫途中，在將軍澳駿宏街和駿日街交界遇上車禍，慶幸兩人都有戴安全帶，逃過一劫，事後裕美坐白車到醫院接受檢查，她接受電話訪問時仍驚魂未定，她說：「去到十字路位，突然有架大貨車衝出嚟，助手已經即刻煞車，但大貨車依然撞埋嚟。」結果私家車車頭盡毀，連車牌亦甩出來。
頭暈腰痠骨痛
當時坐在司機位旁的裕美，目擊撞車經過，當場嚇呆了，她說：「差啲上天堂，咁大個女第一次遇到車禍，好驚，真係嚇到魂魄唔齊，第一時間成個人捲埋一舊保護自己，有心理準備會流血，好在冇受傷，但覺得好頭暈，嘴唇白晒，腰痠骨痛，落車行到S形，要坐喺欄杆休息。」
幸有戴安全帶
裕美謂撞車前突然想起劇集《潛行狙擊》的撞車場面，估唔到轉頭即發生在自己身上，幸好沒有大礙，令信教的她很感恩，即時大叫「哈利路亞」，不過為了安全起見，還是召白車入院檢查，她說：「醫護人員話好在我哋有戴安全帶，否則會成個人飛出車外。」醫生指她拉傷肌肉和受驚，昨日的工作要取消，休息一晚今日即復工到電台工作。
採訪：音樂組