法拉認收短訊：冇咪好冇面？
陳法拉及郭晉安昨日在電視城拍攝《東西宮略》，提到近日的挖角潮，兩人均表示有收到短訊，安仔更獲王維基的秘書致電斟離巢：「我婉拒咗，想專心做嘢先，有機會再傾！」有指無綫高層樂易玲表示或會加人工，安仔即雀躍地表示支持：「幾時到我？其實我啱啱簽約，但我一年一套劇，多一倍又如何？最緊要套劇係最多人睇，我都係揀無綫。」
被傳是力谷十星之一的法拉表示沒接任何來歷不明的電話，亦暫不打算過檔：「SMS個個都有，冇咪好冇面？但我合約仲有好長時間，未諗去向。」問她若拿不到視后會否跳槽？她沒正面回應，只稱暫冇諗拎獎。
對於有指她經常轉派，時而樂易玲時而曾勵珍，她識做地表示個個都是老細，亦不覺公司多是非。同樣被傳力谷的黃浩然昨出席慈善活動時，表示從沒收過王維基的挖角短訊及電話，並指與無綫的合約尚有一段時間才屆滿，故不考慮跳槽。