樂基兒講離婚：有可能

名模樂基兒昨日與藝員陳智燊出席7 For All Mankind秋冬時裝表演，Gaile在經理人陳善之陪同下到場，被問到近日心情如何？她說：「OK，正常。（畀雜誌影到你搬屋？）唔答，由得佢哋自己寫，唔需要回應。」

拒絕談論黎明

Gaile在記者再三追問是否真的搬離與Leon的愛巢時，她意有所指地說：「唔答，maybe， but i don't know（可能，但我不知道）。」不回答豈非畀更多空間別人寫？Gaile無奈說：「唔答都會寫，冇所謂。以前冇做咩都畀人寫，其實有啲咁creative嘅新聞都幾entertaining！」

樂基兒與黎明聚少離多，未知會否因此影響夫妻感情。（資料圖片）	樂基兒日前被拍得搬離與黎明的愛巢。（資料圖片）	樂基兒與陳智燊雖然同為嘉賓，但無半點交流。

Gaile坦言最初也會因這些新聞而不開心，但慢慢已經習慣了，又謂不會再回答有關黎明的問題，她續說：「其實好好彩，三個星期前話咗唔再答Leon嘅嘢，之後就出咗咁多新聞。（同Leon約埋唔答？）你可以問番佢，私人嘢唔答。」

減少在港工作

談到最近很多模特兒會搞些小生意，Gaile表示已做生意多年，只是一直沒有透露而已：「私人嘢唔答，但已經做咗好多年，04年到依家都未執笠，總之成個中環都係。（即係咩？）下次先開估，不過可能係下年。」她又謂將會減少在香港工作，今次會是暫時在香港最後一個工作。活動後，記者發現Gaile返回上水與黎明的愛巢。