鼎爺力阻泳豪翻撻
楊思琦舊愛李泳豪昨日在電話中語氣平靜地回應：「佢（吳帥）嘅嘢，唔會回應。（仲有同思琦聯絡？）都唔回應。（你最近心情點？）一般，忙緊開劇，仲要係一次過兩部劇，所以更加要努力。（想再拍拖？）呢啲慢慢再諗。」
李家鼎則聲言竭力阻止思琦、泳豪復合：「一定阻止，冇可能！No！等於有咗第二個女人，飛咗你又返轉頭，得唔得？公道啲囉，我係老竇一定會輔導佢（泳豪）。（泳豪情傷好番晒？）佢心情冇乜嘢，閒時幫我手教騎馬，自己又教車玩飄移，專心工作。」
泳豪媽咪施明則表示：「好難答想唔想泳豪同思琦復合，泳豪表面上平復晒，事實上內心仲好痛，咁易放得低就唔係真愛。」
李泳漢對琦帥戀玩完說：「冇意見，細佬近況幾好，專注事業。（介紹女仔畀細佬？）唔啦，緣份冇得急！」