吳雨霏過檔新藝寶 買樓贈興

十五歲入樂壇的Kary經過十年蛻變成長，昨日正式宣布加盟環球旗下新藝寶，唱片公司為Kary舉行大型簽約儀式記者會，而高級副總裁黃劍濤更送上星星棒給Kary做紀念，並宣布其個人網站及國際歌迷會成立。期間有歌迷送上蛋糕及「K」字燈籠，寓意她大紅大紫，發光發亮。現場又播出譚詠麟、李克勤、莫文蔚、陳慧琳、謝安琪等的祝賀片段，令Kary感動至眼濕濕。

供樓有壓力

唱片公司為凸顯對Kary的重視，計劃明年為她開個唱。有指Kary會取代謝安琪的一姐地位，Kary說：「唔好咁講呀，我都係啱啱加入呢間公司，多謝佢（謝安琪）送祝福，佢係我欣賞嘅歌手。」問到加盟身價？Kary說：「係開心價，未見過咁多個零，阿媽仲笑我係咪開心到喊。」再問如何用大筆過檔費？Kary坦言：「買咗層樓當首期。（豪宅？）邊係，普通住宅。」但她開始感到供樓的壓力，所以要努力搵錢。

譚詠麟	環球高層黃劍濤送上星星棒給Kary做紀念。	吳雨霏獲粉絲送上蛋糕及燈籠，寓意大紅大紫。

鍾意有鬚男

記者會上首播Kary新歌《我本人》的音樂電影MV，找來林子祥兒子林德正（Alex）做男主角。Kary表示與Alex早已認識，是她提議找對方演出。記者笑她是否睇中Alex？她說：「唔係，同公司咁咪搵佢合作囉。（點解冇咀戲？）因為劇情冇需要嘛。（啱你類型？）我真係幾鍾意有鬍鬚嘅男仔嘅。」

文：音樂組