Phoebe濕身贏凸 嘲Jeana縮沙

寫真戰死敵Phoebe及Jeana整個夏天鬥互寸，前晚終狹路相逢！兩女與陳靜（DaDa）、陳柏宇、冼色麗及連詩雅等出席電影《喜愛夜蒲》泳池派對，Phoebe身穿比堅尼狂晒深長事業線，至於Jeana則穿三點式外加透視紗長裙，「峰」頭稍遜，另外新人林司敏罕有性感，卻慘遭導演錢國偉（Wilson）推落水。

現場只得Phoebe一位女將願意落水玩遊戲，口傳試管時又嗌又扭腰，並俯身拾試管晒胸，但她否認刻意搶鏡，指預計大家都濕身卻有人縮沙，問到是否指Jeana？她說：「可能佢驚，我就覺得幾好玩，化妝都防水啦！而且真胸唔怕落水！」

Phoebe用口傳試管給Dominic時離奇發出叫聲。

Jeana重視首次擔正的電影宣傳，性感度十足。

無啦啦玩裸泳

問到Jeana為何不落水？她解釋原因牽強又混亂，表示昨晨已經Book場裸泳，怕夜晚游水會病倒，又多次搬Wilson上台，要跟對方落水：「梗係搵男仔陪，導演咁好身材，可以畀溫暖我！（Phoebe話真胸就唔怕？）關咩事？我唔會對號入座！」不過，自言要裸泳的她自打嘴巴表示不懂得游水，令人滿頭問號！

站在中間的Jeana故意黐近DaDa，擺明當Phoebe透明！

林司敏罕有騷胸玩遊戲。

遭排斥零交流

合照時，Jeana明顯黐實DaDa而懶理Phoebe，兩人亦沒有眼神交流，Jeana卻否認：「我見DaDa着高踭鞋，所以扶佢，同佢係好朋友，Phoebe就只係見過一次。（打招呼？）有喺廁所Say hi。」但Phoebe則表示與Jeana沒有打招呼。

對於大部分女星的衣着，Wilson亦有微言，他表示事前已通知所有人要穿泳衣及落水，幸得Phoebe投入宣傳，而Jeana的裝扮亦算合格。

文：影視組