唐寧為愛子炮製有機生活
向來提倡環保的唐寧，為兒子將來着想，早於年前已開始奉行有機生活，除了吃的東西選購有機外，就連沖涼液及肥皂亦選用有機。日前唐寧專誠前赴有機用品製造工場，親身體驗為別人炮製有機生活的愉快感受。
自約滿無綫後，唐寧一直堅持做自己鍾情及有意義的工作，除主力接拍港台劇集外，唐寧更深入社區協助幫忙推廣有機生活。日前，唐寧獲邀前往有機肥皂及沖涼液製造工場，親身體驗炮製有機產品的過程。首先唐寧要將重達五公升的基本原料倒入鐵桶內，再將大鐵桶搬往爐頭煮熱，然後又要大力將材料攪混至膠着狀，花上不少臂力，唐寧笑謂：「好彩我個仔係超級巨B，平時抱佢練到唔少手力，依家要搬重嘢根本難唔倒我。」
有了小朋友後比以往更着重有機生活的唐寧，直指現時市場有機產品做得不好的地方，是價錢賣得太貴：「有機生活最緊要夠原始同簡單，高消費呢樣嘢就同簡單掛鈎唔到喇，我覺得有啲本末倒置咗。」
受母親啟發環保
做了一天「義工」的唐寧，笑言十分羨慕有機工場的員工：「佢哋每日嘅工作，就係用愛心炮製有機產品，成個生產過程好輕鬆，傾吓偈、聽吓歌就一日。」唐寧又指如此嚮往有機及環保生活，全因受母親啟發及影響：「買完一大pack廁紙返屋企，通常我哋都會丟咗個大膠套，但阿媽就會留起佢，仲會將佢剪成兩截，用嚟套住個垃圾桶，我好佩服佢咁物盡其用同有環保頭腦。」
文：影視組