Annie G.輸峰頭贏巨躉

o靚模Annie G.(吳燕安)與Hailey C.(陳俞希)拍住上合作新片,面對其他身材出眾的對手在沙灘齊跑演出,Annie G.笑言自己上圍尺寸未必夠贏,但勝在躉大取勝。

o靚模Annie G.與Hailey C.同一模特兒公司,相識一段時間成為好友,更有機會一同合作《戀夏戀夏戀戀下》拍住上搵食。Annie G.說:「之前都拍過六次電影,但都係一啲群戲角色,今次好開心可以同一班年紀差唔多嘅女仔一齊,同埋好多沙灘戲成班人一齊跑,所以係玩多過拍戲,仲要喺海南島取景,似度假多啲。不過天氣好熱,從一早曬到夜晚,不過係好好經驗。」

Hailey C.:夏天最啱着泳衣

與一班身材出眾的女仔同場拍戲,難免會被比較身材。Annie G.笑言上圍未必能取勝,但她自認大躉,常給公司同事取笑,自信憑躉可贏晒一眾對手,搶回焦點。

問到Hailey C.在電影上的性感底線,她直言:「電影尺度暫時都係泳衣,(背部裸露?)視乎情況,好似湯唯為藝術而裸我接受到。但如果係賣弄色情就唔會諗,希望啲人唔係因為有人剝就睇囉。」戲中不乏性感泳裝的場面,二人坦言配合電影在所不計,但希望外界不要投以有色眼鏡入場。Hailey C.更說現時着泳衣已普及,更何況夏天唔着泳衣,難道要着羽絨。

Annie G.

中文名:吳燕安

年齡:23

三圍:32B、24、34

Hailey C.

中文名:陳俞希

年齡:23

三圍:30B、23、33

文:影視組