法拉晒背冚高海寧峰頭
「宅男女神」高海寧前晚穿吊帶裙出席電影首映，但相比在片中的造型，大幅收起性感，反而女主角之一的陳法拉，不擔心出爐港姐朱晨麗與她貌似，前晚大露粉背撐場，搶到不少收視。
高海寧、陳法拉、曾志偉及「福祿壽」王祖藍、阮兆祥、李思捷等，前晚出席電影《勁抽福祿壽》首映，女藝人中以高海寧、苟芸慧較性感，但法拉透視兼露出粉背，同樣散發性感，爭回收視。另一女主角薛凱琪亦有出席，還接受無綫採訪隊訪問。
初吻畀咗李思捷
事後高海寧被問到是全場最性感，她笑笑說：「唔算性感，只係前後露少少，唔算低胸。」事實她在電影中的「紫荊俠」造型更加性感，且還將螢幕初吻獻了給李思捷，高海寧說：「因為係第一次拍，有啲緊張，好在思捷同我傾偈熟絡咗，之後一take過拍完，（滿意初吻對手？）佢專業又好人，（會唔會嫌唔夠靚仔？）靚唔靚仔見仁見智，佢OK，有才華，我覺得佢好靚仔。」
讚朱晨麗表現好
在戲中演強悍黑社會大家姐的法拉，雖然要爆粗動手，但卻被導演嫌她不夠粗魯。另談到出爐港姐朱晨麗被指似她，法拉說：「我有睇，恭喜佢呀，佢表現好，（驚唔驚有競爭？）歡迎！公司都需要好多新血，係良性競爭。」
而任監製的曾志偉表示來年主力替邵氏開電影，他會開兩部捧黃宗澤，認為對方是時候走入電影。此外，昨股市大瀉，高海寧表示本身只會將賺得的錢儲起來，不敢投資，故股災沒有受影響。
文：影視組