君如最憎被問幾時生

壽星女吳君如前晚出席Maria Luisa 2011秋冬系列時裝騷，時裝教母Maria Luisa並親自來港主持大局，而同場嘉賓還有張燊悅、鐘錶界美女胡敏珊、周譚蕙菁及女兒周穎詩、梁家駒與太太及女兒、模特兒楊崢與姚予晴等。

生日當天仍欣賞時裝騷的君如，笑言自己年紀不輕，故有意低調處理：「我已經過咗開Party嘅年紀，今日（前日）同囡囡一齊買咗個蛋糕慶祝，佢問我要插幾多支蠟燭，我話要好多喎，佢話咁插八支啦！我同佢每人四支。囡囡仲畫咗張卡畀我，又將自己嘅玩具送畀我，收到佢張卡，真係好冧。」問到生日願望時，她稱女細老公老，所以最重要是保持身體健康，以照顧女兒。

張燊悅笑言會捨得花錢為老公置裝。

梁家駒偕太太鄭秀敏及女兒睇騷。

否認教嘉玲搵代母

時裝教母Maria Luisa（前右三）親自來港主理時裝騷。	周譚蕙菁與女兒周穎詩結伴出席活動。	胡敏珊單拖上陣。

另外，有指君如向好友劉嘉玲教路，到美國找代母，君如否認其事：「我自己想，我從來冇同嘉玲講過任何有關生仔嘅事，生仔係一個壓力，身為朋友唔會問，我都好憎身邊朋友問我幾時再生多個，我會好反感。」

張燊悅怕老公寒酸

同樣已為人母的張燊悅坦言不捨得花錢買衫給女兒及自己，她解釋：「我兩個女都係着二手衫，因為小朋友大得好快，我最捨得買衫畀老公，因為係佢撐起頭家，唔想佢着得太寒酸，我老公依家仲着緊中學時嘅衫以及老爺嘅踢死兔。」她又透露已秘密地讀了一年大學，修讀環境管理。

文：名人組