孫耀威懸崖勒腳保命仔

孫耀威（Eric）將於八月六日推出國語專輯《沒有說再見》，抱完美主義的Eric為給歌迷有台灣味道，特別邀請台灣攝影師為封套操刀。早前Eric飛往台灣郊區拍攝，雖然當日橫風橫雨及打大風，但無損眾人心情及拍攝進度，專業的Eric應攝影師要求站在五層樓高的懸崖，方便「低炒」。

女友嚇驚

由於Eric與攝影師有段距離，Eric要探頭才聽到對方的要求，期間險些失足墮懸崖，他拍拍心口說：「因為攝影師喺下面，根本聽唔到佢講咩，所以愈行愈出，加上石上好多青苔，好彩縮得快，如果唔係真係跌落去。」Eric更表示女友陳美詩得知後大驚，非常緊張。

導演拍攝時也要打着傘擋雨。

孫耀威拍攝時遇上風雨，身也濕晒。

唔知凸點

Eric透露當日天氣非常惡劣，頭髮亦被無情風吹亂，最後索性以凌亂美示人，他說：「出嚟效果好好，呢啲美感髮型師都整唔到。」對於凸點一事，怕醜仔Eric面紅紅說：「係咩？冇辦法啦，咁大雨，全身都濕晒，冇留意係咪凸點。」Eric更慰勞一班團隊，拉隊豪擦麻辣火鍋。

文：音樂組