基仔呃女錫暈足7次

古巨基昨日為十月舉行的巡迴個唱香港站舉行記招，獲吳雨及張耀榮等現身支持。基仔以一身白馬王子look出現，身邊就有七位美女扮演公主，拍照時公主更向基仔獻吻。而三個主辦機構的代表便為基仔送上「超時罰款無限支持」支票，讓基仔可以放心在舞台上唱個夠。

唔會搵o靚模

基仔表示由他構思七個公主的主意，個唱中亦會有這個環節，希望屆時可物色七個不同國籍的model，不過不會找o靚模。他謂公主出場部分會唱浪漫情歌，問到會否咀嘴？他說：「都好！暈七次等公主錫！（搵緋聞女友Lorraine做其中一個？）你哋問佢肯唔肯扮演公主啦！」

基仔今次會跳勁舞，直言是個大挑戰。

基仔與眾人預祝個唱成功。

挑戰跳勁舞

基仔透露今次個唱中會跳舞，其經理人霍汶希（Mani）表示已找排舞師為基仔排舞，勁舞程度絕不比容祖兒遜色，基仔直言對他來說是一個大挑戰，觀眾亦會有驚喜。又揚言只要練得大隻會夠膽穿性感服裝，展露身形，亦不會有底線。而個唱中基仔會跟大家分享廿年來的感受，不過他已排除個唱中宣布婚訊的可能性。

文：音樂組