呂慧儀挺胸女戰士
「咪神」呂慧儀及高海寧前晚分別以女戰士及春麗look錄影《亞洲網絡遊戲大獎頒獎禮》，高海寧將春麗的高衩裙改成長褲方便跳舞，但性感欠奉。
任司儀的呂慧儀則大呻衫窄兼拮肉，令她全程「挺起胸膛」：「我想進軍司儀界，好似嘟姐（鄭裕玲）咁。（今次冇錢收所以着得密實？）唔係，配合主題啫。」
與師兄杜宇航任頒獎嘉賓的陳嘉桓（Rose），大會利用特技效果令她跟「師叔公」李小龍一同頒獎，她說cosplay幾好玩，但自覺騷唔到啲乜。是否上圍不夠大？她說：「夠自己用囉。」
至於胸前偉大的泳兒亦說唔啱玩cosplay，都係唱番主題曲好啲！