Monna 阿旦任搓 碎打假波
「混血E神」林宜芝（Monna）與「E Cup教主」鄧伊玲（阿旦）被指變臉，為推翻整容傳聞，兩女前日照頭部X光，昨日更找曾為師姐陳靜驗胸的醫生搓胸驗身，證實阿旦百分百天然，Monna僅曾注射Botox瘦面。
o靚模整容傳聞不斷，「混血E神」林宜芝（Monna）與「E Cup教主」鄧伊玲（阿旦）日前被翻舊照，揭露蛻變成o靚模的進化史，Monna由昔日參選工展小姐的「媽媽級」樣貌，演變至今日的混血公仔樣，而阿旦的外貌亦隨着化妝而產生微妙的變化。
認注Botox瘦面
兩女異口同聲否認「大翻新」傳聞，為證明樣貌及咪咪是真材實料，兩女前日到化驗所照頭部X光，她們毫不擔心被透視頭部，阿旦還笑說：「出世時畀醫生用夾夾出嚟，怕畀人睇到個頭骨凹咗。」化驗師根據X光片，指出兩人的頭骨並沒有植入鐵片矯形，亦難以尋找削骨的痕迹，令兩女得以澄清整容傳聞。
問到Monna的舊照為何出入如此大？她表示是瘦身所致，坦言後天加工僅限曾注射Botox瘦面及戴牙套：「之前肥先會肥腫難分，減咗10幾磅已經唔同，我認有打過Botox瘦面，同埋X光都照到我磨咗牙，依家戴牙套。」
乳腺增生出粒粒
兩女昨日還進行驗胸，請來曾為師姐陳靜驗明真胸的關嘉美醫生驗證。關醫生仔細地檢查她們的乳房及腋下，證實兩女的E咪是純天然：「Monna個胸好軟，而且有少少鴛鴦，胸部有一粒粒，係乳腺增生，同陳靜嘅情況一樣，但未必係惡性，大胸女士多數有呢個情況。阿旦個胸比Monna更鬆弛，擔心佢哋會因為地心吸力而再下墮。」
阿旦驗明真胸後即寸爆Jeana（何佩瑜）的不倒胸之謎：「正常嘅瞓低係左右擺，瞓低冇可能不倒！」Monna擔心乳腺增生問題，謂日後會接受超聲波檢查，對於被Jeana指食防腐劑，她反擊說：「佢被傳31歲，睇佢食防腐劑仲多。」
文：專案組