栢芝開戲預埋老公
張栢芝與謝霆鋒婚變有彎轉，前日齊齊跟大仔慶生日後，昨日兩人分別到內地繼續工作。栢芝除了以四億八千多萬簽了新經理人公司，更會成立工作室投資拍片，不排除邀霆鋒合作。而英皇高層吳雨昨日透露霆鋒有意在2012年開巡迴演唱會，剛巧栢芝亦計劃出唱片，「鋒芝」同樣有意再戰樂壇，果然心有靈犀。
霆鋒與栢芝的大仔Lucas前日四歲生日，一家四口共享天倫，「鋒芝」危情有轉機，但最終結果還未有實質定案。兩人昨日亦各自到內地工作，栢芝事業上更有新路向，新亞洲娛樂公司昨公布已成功簽得栢芝經理人合約，為期八年，據知酬金更高達四億人民幣（約港幣四億八千多萬）。
參與幕後工作
記者致電新亞洲娛樂公司老闆余毓興，他表示今次能成功簽得栢芝的最大原因，是因公司會給予栢芝很大自由度：「我哋明白栢芝需要照顧一對兒子，所以會喺工作上盡力配合。」
除簽經理人合約，新亞洲亦會與栢芝一起設立「張栢芝工作室」，計劃每年投資兩億元人民幣，開拍兩部電影及兩部電視劇，栢芝除了投資金錢，亦會參與幕後工作，包括電影選角等。問余毓興若有適合謝霆鋒的劇本，「張栢芝工作室」會否請霆鋒拍攝？他表示：「我哋投資電影只會睇邊個演員最適合演部戲，以套戲嚟作考量，啱就會搵。」
將會推出唱片
昨日有報道指栢芝設立工作室，是想跟霆鋒的「朝霆」對撼，余毓興否認其事：「兩間公司嘅範疇都唔同，霆鋒公司只係做電影後期製作工作，只係佔電影嘅一小部分，而栢芝就會整部電影嘅製作過程都會搞，好似周星馳咁，做演員之餘亦會搞埋製作、做老闆，栢芝亦將會推出唱片。」
而栢芝經理人的Emily亦已加盟新亞洲公司，Emily透露栢芝簽新公司的原因乃緣分安排，大家一拍即合。對於余毓興指栢芝有意出唱片，Emily謂：「係有咁嘅計劃，遲啲栢芝都會為電影《影子愛人》以及《河東獅吼Ⅱ》錄主題曲。」
文：影視組