霆鋒趁「末日」明年再戰樂壇
謝霆鋒前日跟張栢芝獨處四小時，一家四口溫馨地為Lucas慶祝生日後，霆鋒暫時拋下家事專心工作。昨早九時半現身機場，戴上黑超的他樣子cool爆，記者追問「係咪有機會同栢芝和好？」、「係咪栢芝要仔唔要贍養費？」、「囝囝收到禮物開唔開心？」等問題，他都保持chok樣不作聲，助手表哥說：「今日唔講呢啲嘢。」隨即與髮型師Ricky護駕霆鋒入閘。
十月底返港
據知，昨日霆鋒到上海拍廣告，之後便要到江蘇省做兩個商演，下周再飛北京開拍電視劇《下一個奇迹》，一直忙至十月底才返港，期間足足有兩個多月見唔到一對心肝寶貝，難怪一臉cool樣。
由於「鋒芝」婚變全城關注，昨日英皇高層吳雨和霍汶希（Mani）出席活動時，亦成記者追訪對象。問吳雨有否想過幫霆鋒開演唱會？他笑說：「有諗過，佢都好耐冇開騷。」他還抵死說：「諗住明年開，因為有人話2012年係世界末日嘛，咪啱做巡迴演唱會，以大陸為主。係霆鋒主動提出嘅，佢啲舊歌都夠唱，真係開會幫佢做新歌。」
盼給予空間
Mani透露霆鋒這兩個月要在北京、上海拍劇，問到「鋒芝」世紀會面詳情如何？她說：「好多人問，我唔喺枱底唔知。」有指栢芝挾兒子逼霆鋒獨處，當中可有轉機？Mani說：「每件事冇絕對，每日都有唔同傳聞，希望兩個月可解決，佢都有困擾，一個人喺內地，要畀空間佢，相信佢處理到。」
文：音樂組