Jeana倒奶反峰殺

憑「血管胸」加寸爆「瑜」論而火速上位的o靚模何佩瑜，昨日以一個Online Game代言人身份現身動漫節，她以「女媧」Cosplay造型亮相，大騷「M字胸」及四吋事業線、纖腰及玉腿，吸引近百龍友爭相拍攝，場面墟冚！Jeana應大會安排，在台上狂揮「屠模刀」，劈低「岩石怪」和「變形妖」的紙牌公仔，與觀眾互動玩遊戲時，又俯身倒奶擲骰仔益街坊！問到用「屠模刀」劈「岩石怪」，會否擔心激怒被指是「岩石胸」的趙碩之？她說：「唔知，遊戲嚟啫，大會安排，唔係我揀嘅。」Jeana除了要隔「胸」殺敵外，又要力抗現場的動漫Game Girls。

晒胸露腿搏到盡

今年各大遊戲品牌亦找來香港及台灣的Game Girls駐場Sell產品，包括「C Cup 范冰冰」Elley、「齙牙官恩娜」Gladys、楊梓瑤師妹Monnie，以及來自台灣的「D奶蔡依林」Vivian等，她們以低胸、露腰及晒長腿的性感打扮示人，相當搏命！據了解，香港Game Girls身價，由日薪400元至2000港元不等；至於專誠來港的台灣Game Girls，據悉在動漫節的五個工作天內，包食包住八小時工作酬勞為10000港元，即平均時薪為250元。

昨日Jeana遲到15分鐘，仍不改寸嘴本色：「我今（昨）日好開心，大會邀請我嚟，咁多人支持我。」對於死敵許穎因不請自來而遭保安驅趕，Jeana潤爆：「係？咁慘？希望佢冇事。（你贏咗？）我嚟做嘢！（佢夾硬入場？）我覺得冇意思囉！（有人話佢厚面皮？）佢啲粉好厚。」

楊梓瑤師妹Monnie	C Cup 范冰冰Elley	齙牙官恩娜Gladys

被爆整容口窒窒

另外，「爆E超蓮」鍾采羲（Iris）前晚大爆Jeana整容，Jeana說：「邊個Iris？或者之前去過做Facial，但冇聽過呢間店名。（有冇同呢間美容院合作過？）唔記得。（Iris話有相為證？）係？可以叫佢攞出嚟。（有冇整容？）如果要整想整細個頭，啲人成日叫我『大頭妹』。（胸部呢？）我唔覺得大得滯。」記者再認真追問是否百分百純天然，她語塞兩秒才說：「唔抗拒美容纖體。（到底有冇整容？）唔抗拒，但未諗過，如果要整，我會去做織髮。」　

性感打扮的Jeana步步為營防走光。

雖然遲到15分鐘，Jeana仍大受龍友歡迎。

文：專案組