楊思琦壓力爆瘡

港姐楊思琦宣布與李泳豪分手後，昨日首次出席公開活動，為荷里活廣場舉行的《全港拖鞋乒乓球大賽》擔任嘉賓，雖然全程笑臉迎人，但卻不難發現其下巴和頸部長出粒粒。問到是否近日飽受壓力而爆瘡，她說：「唔知呀，可能近日冇戒口食煎炸嘢。」

畀啲空間

問到與吳帥之間的新戀情如何，她說：「畀啲空間我啦。（佢點支持你？）支持咗o架嘞！」對於有傳吳帥是空心老倌，李家鼎更指她上了賊船，她說：「唔評論！（咁係咩船？）唔講嘞。（佢曾欠債？）我知出面有唔同版本，遲啲先講，大家會知。」

思琦揸住拖鞋打乒乓球，認真搞笑。

思琦心情大好，與母親去整頭。

楊思琦表示沒有再與李泳豪聯絡，對於遺下的狗仔如何處理，她說：「遲啲先講。」對於李家鼎爆粗指摘，她說：「唔評論任何嘢，希望大家畀啲空間我，我專注努力工作。感情嘅嘢兩個當事人最清楚，我亦都交代清楚。」對於李家鼎擔心李泳豪會自殺，她說：「希望大家都開心、大家都好，唔好再係咁落去。（李家太多評論？）唔評論。」

母陪行街

她指早前到內地登台卻被指「鬼祟」，她說：「人哋重金禮聘我去做活動，咁寫唔好。（被人摸？）現場音樂太大，聽嘢要埋啲。做活動同觀眾say hello、握手好正常。」她表示分手事件未有影響其工作量，對於形象變得負面，她說：「大家點諗我控制唔到，我最清楚自己做緊咩。」

完成活動後，楊思琦自行駕車與母親到了尖沙咀髮型屋，她心情不錯對記者說：「我好多日冇出街，今日去整頭和行街。」