趙碩之透點3P DaDa贏條毛

o靚模寫真原意大賣青春可愛，但隨着周秀娜鳴金收兵，Angelababy翻炒舊書當新書賣，在兩大寫真女王休戰下，今年有份出書的o靚模索性拋身力爭寫真女王寶座，明抄日式AV寫真feel，露無可露下，就連鼻毛也「落場」，認真玩冇可玩。

眼見娜姐和Baby經已上岸，同期的碩之眼見上位機會難逢，幾大都要博多鋪，在寫真中踩盡AV邊界，不但張張相都大晒遠近馳名的「岩石胸」，不少照片更疑似透點，片片「暈朵」盡現眼簾，令人看得瞠目結舌，其下身更離奇現黑影疑似濕身，令人莫名其妙。

放大圖片	趙碩之認為寫真甚有外國雜誌feel，不怕被指意識不良。

重要部位慘變焦點

「百果園咪神」DaDa雖然口味夠重，更與碩之意念一致，撞足十條橋，包括扮黑天鵝、玩魚網絲襪、玩3P、薄紗透裸身、側漏胸脯、Close Up重要部位、大粒癦、透視旗袍、玩神秘位。DaDa雖有男模玩3P壯聲勢及腋下出現神秘摺痕，但一條鼻毛卻是全書焦點，在DaDa的大頭相中，赫然發現鼻孔下方竟有鼻毛未經處理，雖略嫌有礙觀瞻，但已成功突圍。

憑寸嘴形象出位的Jeana大玩「露骨」效果，性感與否見仁見智。	趙碩之與兩男模以「3P」姿態濕身拍照，與DaDa的3P照如出一轍。	放大圖片

至於最寸嘴的娜姐師妹Jeana，除出動「血管胸」，更半裸露肋骨及脊骨，果然夠晒「露骨」！但另一位o靚模Phoebe更見過分，意識有過「之」而無不及，大玩股惑，刻意扯低「小可愛」露股，又斬件特寫重要部位，甚有AV feel。

齊聲否認意識不良

對於被指意識不良，碩之接受電話訪問時說：「唔覺意識不良，因為本書好似外國啲Fashion雜誌咁。我亦唔怕畀人話玩3P，因為我哋都冇食冰、食雪糕嗰啲嘢，只不過係姿態上性感！」DaDa對有關指控亦回應：「有部分大膽嘅已經抽起咗，出得街已經揀過，唔會有意識不良。」Jeana則直認寫真集賣性感，但自言：「我本書Sell性感好清晰，不過我嘅性感係靚，乜嘢人睇到就有乜嘢眼光，我控制唔到，唔覺得意識不良囉！」Phoebe則說：「唔覺不良，我呢種性感只係體現Life Style，反而覺得啲相好靚！」

此外，趙碩之設計D Cup Bra將送予買首版100本精裝版寫真的粉絲，昨日她到公司為寫真簽名及包裝DVD，她聲言不怕Bra上的牌印有其名字會惹來遐想，更直言想成為銷量冠軍，力敵眾對手。

文：專案組