祖兒扁晒嘴：我鍾意寸佢

容祖兒、黃耀明、鍾舒漫、盧凱彤等昨日出席《暗中作樂2011》記者會，對於同門基仔傳以8千萬提早續約，祖兒似笑非笑說：「我知，話佢直逼霆鋒嘛，古巨基成日話辛苦，做到腰骨痛，都肯續約喎，即係好鍾意呢間公司啦！」

古巨基	鍾舒漫與祖兒都認為基仔是工作狂，十分捱得。	阿倫指基仔要四奪「最受歡迎男歌星」有難度。

合約未完 冇人搵過檔

問她約滿時有甚麼好計？祖兒扮扁嘴說：「我相信自己永遠得唔到佢哋待遇，公司重男輕女，知我走唔甩，我額頭鑿咗兩個字（英皇）、一個王冠，從來冇其他公司搵我，可能知我合約有排未完，自己冇諗計話ask for乜，我性格唔係咁，我唔係貪心嘅人。」問咁講驚唔驚基仔嬲？她得戚說：「唔驚，唔知點解好鍾意寸佢，我講事實。」

同場的黃耀明透露新國語碟仍未獲批文，問是否歌曲犯禁或他曾參與遊行有關？他說：「新碟只係講社會現狀，6月去北京做騷都有唱新歌，而且遊行有咁多人，應該唔關事。」

阿倫指基仔難平紀錄

此外，譚詠麟昨日出席now體育台活動，對於英皇谷基仔4奪「最受歡迎男歌星」，欲追平阿倫的紀錄，他說：「道理上難啲，因為連續四次攞。」阿倫自言為撐首席副總裁何麗全才出席now活動，問是否以後不亮相無綫？他說：「行咗第一步，就冇法返轉頭，大家都有立場，不過娛樂圈有啲嘢好難講。」

文：音樂組