「o靚模始祖」Becky（利梓橋）上周六、日分別以水手裝及校服Cosplay造型，踩入旺角行人專用區為首本寫真《First Date》造勢，寫真於書展期間才推出，她會於７月２３日下午四時喬裝入書展跟粉絲見面，她說：「今次唔會Cosplay喇，會着番普通衫入會展，寫真第一批印咗一萬本，有個跟咗我好耐嘅粉絲話會買一百本！如果賣得好就會加印特別版。」寫真入面她除了着比堅尼賣陽光氣息，亦有着晚裝開胸造型，大晒女人味。
