DaDa被寸八字胸崩潰喪喊
「百果園咪神」陳靜（DaDa）寫真集絕密性感照曝光，穿上毛毛小背心大騷左右半球。早前她被好友Jeana公然嘲笑八字胸、大牙肉，據知陳靜崩潰痛哭。
o靚模寫真集逐漸推出，留待書展始發力的DaDa絕密終極性感照亦終於曝光！化上濃妝的DaDa以毛毛小背心上陣，真空之下左右半球任睇，在毫無谷胸效果下，盡顯天然靚胸型，至於另一輯內衣照則大騷性感靚身形。DaDa坦認兩輯照片幾乎觸及其性感底線：「呢兩輯相我都好鍾意，性感得嚟影得好靚，加上化妝完全唔同，感覺都好大分別。」
「見面會打招呼」
雖然寫真照盡展靚胸，但DaDa早前慘被寸嘴o靚模Jeana公開嘲笑八字胸和大牙肉。據知，Jeana和DaDa私底下一早相識，兩人感情要好，如今被好友公然侮辱，DaDa一度不肯相信，及至印證確有其事，曾經致電向其他好友哭訴，狂喊45分鐘收唔到聲。
記者致電DaDa求證，她不肯證實狂哭事件，她只說：「我唔想回應！（仲係咪朋友？）見面一定會打招呼，又唔係仇人。（會唔會影響你將來交友嘅信心？）唔會。」
文：影視組