蔡加讚開心價明益汪圓圓
玩具大王蔡志明兒子蔡加讚旗下的汽車陳列室昨晚隆重開幕，蔡氏家族成員幾乎全體到場祝賀，而身為蔡加讚女友的汪圓圓，更恍如「自己人」為男友擔任嘉賓造勢，不過圓圓直言酬勞照收為開心價！雖然蔡加讚揚言送車予女友絕冇問題，但汪圓圓卻說買車必靠自己不靠男友！
蔡加讚旗下的極速汽車位於九龍城廣場汽車陳列室於昨晚隆重開幕，笑言是兒子大客戶的蔡志明偕同太太及女兒蔡加敏及蔡加怡等到場，蔡加怡更和男友Jeremy亮相。而霍震霆兒子霍啟山也親身到場祝賀，不過逗留一會便極速離開，未有接受訪問。蔡加讚直言其集團有接近二百部車，並投資過億元，問到何時回本，他說：「呢個係我興趣，前景唔錯，係視乎市場，買賣車輛都係跟住個股市走。（送車畀汪圓圓？）都可以。」
坐心悠車驚驚
身為蔡加讚女友的汪圓圓昨晚擔任嘉賓，並由女星劉心悠親自駕車接載出場。事後圓圓笑言坐車時有點害怕，「唔係對佢冇信心，而係佢着高踭鞋嚟揸係有啲難控制。我自己都有車牌，但唔熟香港啲路，加上係右軚，所以冇揸。」
平時男友接載
笑問圓圓是次擔任嘉賓是親友價或是義務，圓圓說：「今日個job係經公司同家姐，係開心價，佢哋好好，話如果買車會畀折。（叫男友送？）都係想自己賺錢買。」她更點頭承認平時是男友接載。一向和圓圓一家相熟的呂良偉被傳有兩個女兒，圓圓說：「佢私人嘢我唔知，我只知佢得一個老婆，兩個好恩愛。」另外，劉心悠被問到有否叫圓圓介紹筍盤男友，她說這才是第二次見面。
文：名人組