Elaine出3D寫真立體陪瞓

o靚模寫真戰進入倒數階段，一日未開戰都有新血加入。來自澳門的「翻版吳佩慈」Elaine Wong決定向眾模下戰書，推出全港首創3D寫真，成本高達四十多萬，誓要晚晚立體陪宅男瞓！
Elaine自淋濕身，必定引死宅男。
Elaine自淋濕身，必定引死宅男。

今年後起o靚模星羅棋布，近日又多一位來自澳門的o靚模Elaine Wong。擁D Cup上圍的她首次登場就噱頭十足，推出全港首創3D寫真《That's me Elaine》，寫真於澳門拍攝，成本高達四十多萬，特別以日薪四萬請來《阿凡達》幕後班底Henry Chung拍攝，隨書會附送3D眼鏡。Elaine笑言宅男可邊戴住3D眼鏡邊攬住其寫真入夢：「我試過睇個效果好立體，啲相好玲瓏浮凸，好似可以用手掂到咁！」

預咗蝕錢

率先曝光的寫真造型中，有Elaine用花灑自淋濕身性感相，亦有高貴Bling Bling裙，更有Elaine僅以雙手遮住兩點的大膽照；本身是Lady GaGa粉絲的她於寫真亦有幾個造型倣效GaGa。

擁33Ｄ上圍的Elaine來自澳門，殺入香港書展分一杯羹。
  • 擁33Ｄ上圍的Elaine來自澳門，殺入香港書展分一杯羹。
Elaine推出立體寫真，成本高達四十多萬。（黑白圖片）
  • Elaine推出立體寫真，成本高達四十多萬。（黑白圖片）
Elaine笑言不擔心銷量，會叫朋友幫手買。
  • Elaine笑言不擔心銷量，會叫朋友幫手買。

寫真會印約四、五千本，Elaine坦言不擔心銷量：「因為朋友會幫手買晒！其實公司計過條數起碼要賣三萬本以上先有得賺，預咗蝕，志在畀多啲新嘢粉絲睇。本寫真3D加埋自己本身3D，共有6D，殺晒！」出完寫真她希望專注拍電影，拍三級文藝片都無所謂，只要緊守三點不露。文：專案組