Regen自認唔夠老闆娘fight

Regen因早前在微博表示九月將暫別HotCha到澳洲讀書，因之前Regen與老闆薛世恒傳緋聞，被指激怒老闆女友陳法拉，Regen被叮走被迫出外讀書。昨日HotCha三女出席電台訪問，Regen稱會去讀書但否認HotCha拆夥，對於傳聞她說：「我想講法拉同老闆都係心地好好，我同佢哋兩個都熟，我都諗到講咗去讀書後，實會被人拉埋一齊寫。（怕唔怕歌迷都信啲傳聞？）開頭我冇擔心過，但原來真係有人信係咁，不過只要了解同熟悉我嘅人信我就夠嘞。」

家人姊妹揶揄

對於被指是小三，可有喊過或不開心？Regen哈哈笑說：「我屋企人同啲朋友都用嚟笑我囉！」在旁的HotCha成員Winkie亦取笑她邊夠法拉fight，Regen亦自嘲喪笑：「我都覺得唔夠fight，我有自知之明。」但傳聞令法拉變了「巴辣老闆娘」？Regen再次強調：「佢唔係咁o架，我十六歲時已經認識法拉，佢個人好好o架。」

至於有周刊報道有女生到澳洲遊學做援交，Regen聽罷即抱頭大笑：「有冇咁邪呀！澳洲學費都好貴，我都有諗過做part time，但唔係呢啲，係去農場摘蕉囉！」搞到Crystal和Winkie又再喪笑。

文：音樂組