祖兒怕溶妝預告少布

Joey隔了六年將再踏上廣州舞台，於八月十三日假天河體育場舉行「容祖兒演唱會Concert Number 6」廣州站演出，Joey昨在記者會上，一身露肩禮服打扮，明艷照人。對於將面對三萬多人的大場地演出，她信心十足，她說：「香港做十二場時自己狀態唔係咁好，今次好番晒，信心十足呀！」

要龜板再現

她又坦言今次是首次於戶外場地開騷，令她擔心到時會香汗淋漓導致溶妝，她說：「我個人勁大汗，好怕會溶妝，好多毛毛衫都唔可以着，反而咁樣可能歌衫會少啲布，相對地性感啲囉！（操六舊腹肌？）要拎番塊龜板出嚟，冇得唔減肥，歌衫真係會着唔落，我做唔到好似陳奕迅咁肥都咁有自信心！」

Joey日前跟經理人霍汶希預祝生日，老友鬼鬼。

Joey六年後再踏廣州舞台，內地fans開心到爆。

台灣會阿詩

對於有指Joey上月生日特別飛到台灣跟「密友」何韻詩慶祝，她表示二人並非同行，她說：「佢去做嘢我去玩，（有冇見面？）好似有嘅，咁大家都喺台灣，冇理由識都唔可以見吓啫！」另外，Joey一向跟謝霆鋒分屬好友，對於有傳張栢芝將向霆鋒索取每月六百萬贍養費，Joey表示不清楚報道，她說：「張栢芝自己都搵到（錢），我覺得應該唔係啦！」而經理人霍汶希將於17日生日，Joey日前與她預祝，並上載照片分享。