劉嘉玲擔心拉姑變咗七個頭

劉嘉玲前晚出席北京活動，對於鋒芝婚變，她也有留意，不過與二人並不熟落，反而跟狄波拉交情較深，她說：「依家我唔敢打擾佢，我諗佢應該煩到變咗七個頭。（狄波拉因為見唔到兩個孫而喊？）我完全明白佢嘅心情，佢兩個孫又咁得意，不過始終清官難審家庭事。」
劉嘉玲前晚在北京出席活動，暢談夫妻相處之道。
劉嘉玲前晚在北京出席活動，暢談夫妻相處之道。

嘉玲又指旁人沒資格去評論別人家事，只希望他們將來的路會走得舒服、健康及快樂。談及夫妻相處之道時，她坦言：「每對夫妻都唔同，相處係冇一個方程式。」她透露老公梁朝偉現正休息，不過早前到了印度數天聽上師講學。另外，有傳新加坡歷史大片《1965》即將開拍，以新加坡內閣資政李光耀爭取新加坡獨立為背景，主要演員包括梁朝偉、張曼玉及荷里活女星茱莉安摩亞等。

狄波拉十分疼錫兩位孫仔，可是近日難以相見。
  • 狄波拉十分疼錫兩位孫仔，可是近日難以相見。