錢嘉樂與鋒論武唔問家事
錢嘉樂前晚為無綫節目《功夫新星》錄影，剛與謝霆鋒於馬來西亞拍完宣傳片的他表示對方十五歲時已相識，見證霆鋒成長，他說：「佢拍動作片好有拚勁。（家事有冇影響到佢？）佢好專業，我同佢冇傾呢啲嘢，都係傾功夫。（唔敢問？）唔係唔敢，係錫佢先唔問。」他又透露霆鋒拍戲時有較多危險動作，都擔心他會分心。而霆鋒返港後並未有休息，反而再於拍廣告時繼續做出多種動作，嘉樂都大讚他好像運動員一樣有無限力量。
否認攬女
對於早前有報道指嘉樂攬女，前晚他首度開腔回應：「一睇就知係假啦。（仲係同湯盈盈一齊？）仲係，好似係，但又唔會認嗰隻囉，講到咁白仲唔放過我？」另外，他又感謝無綫待他完成拍戲才開拍此節目，令他可以找到功夫新星。
