陳奕迅寸霆鋒Chok住出世

陳奕迅（Eason）、楊千嬅及梁漢文（Edmond）前晚舉行「拉闊音樂會」，吸引丁子高、容祖兒、何韻詩等人捧場。身為霆鋒兄弟的郭偉亮未知是否為老友出氣，戴上寫有「身心疲累」意思的Cap帽。

有「吹神」綽號的Eason將音樂會尾段變成棟篤笑，兩位拍檔千嬅及Edmond忍不住開聲起音樂，不過Eason依然故我繼續講不停。三人在Encore時各自擺出有型甫士，期間Eason說：「點Chok都唔夠林峯Chok！」千嬅插嘴：「你個Friend（指霆鋒）最Chok！」抵死的Eason食住個勢說：「佢一走出拉姑嗰度已經Chok緊！」

梁漢文、陳奕迅與千嬅在台上擺霆鋒上枱大放笑彈，笑爆全場。	（左）葉佩雯	Eric戴上寫有「身心疲累」意思的Cap帽。

以為霆鋒鬼上身

千嬅透露出道不久曾與霆鋒及Eason到雲頂出席頒獎禮，在酒店房遇上靈異事情，她說：「大家諗住傾天光，Eason傾傾吓就扯鼻鼾，得番我同阿仔（霆鋒），突然成間房啲燈都閃吓、閃吓，阿仔話要惡過佢（指鬼神），不停爆粗同打功夫，當時我好驚，以為佢鬼上身，急Call十幾個工作人員入房。」

此外，有傳快將約滿環球的Eason有意離開，但他今日將出席續約環球記者會，以行動粉碎傳言。

祖兒（圖）與何韻詩均有出席音樂會。

何韻詩

文：音樂組