傳霆鋒有第四者 阿嬌：佢咪好唔得閒？
鍾欣桐（阿嬌）和陳偉霆（William）昨日出席「第三十四屆十大中文金曲」記者會。繼霆鋒有疑似「小三」後，昨日又有內地o靚模被指是霆鋒「小四」，曾與謝霆鋒傳緋聞的阿嬌，昨日在活動上被追問此事時冷冷表示：「如果係人都出嚟講一句，咁佢（霆鋒）咪好唔得閒？總之清者自清！（有人博見報？）好無聊！（你甩難？）我唔會咁睇。」阿嬌又言不會八卦「鋒芝」婚變，她指「鋒芝」均是成年人會懂得處理，她說：「結果係點大家遲早會知！」
William則踢爆女友蔡卓妍在蘇州拍戲期間不慎中暑，心痛的他表示：「非常擔心佢，希望呢幾日有假可以飛過去探班，阿嬌都想去，我哋可以約埋一齊！」此外，William昨日在微博力撐霆鋒堅強、堅持、堅定及無堅不摧。