桂綸鎂熱戀Eason 搞笑能手

【劉慰思巴黎直擊】台灣氣質女星桂綸鎂前日應邀到巴黎欣賞時裝騷,她透露即將有三部戲上映,其中一部是跟陳奕迅合作,又大讚對方是搞笑能手,令大家拍攝時氣氛輕鬆愉快!

2011-12秋冬巴黎女裝高級訂造服又告開鑼,其中Chanel於當地時間七月五日假Grand Palais舉行時裝騷,大會特別請來桂綸鎂前來撐場。穿上品牌背心裙子的她雍容華貴,雖然姍姍來遲,但還是吸引不少傳媒上前拍照。她表示是次來巴黎除了欣賞時裝騷,還會抽空參觀品牌店舖兼「濕平」,她說:「我一早已經到咗巴黎,因為幫雜誌影相,趁有時間就會去埋佢哋間舖睇嘢!」問她是否超級香奈兒迷?她即賣口乖地說:「我諗我應該係CoCo Chanel嘅fans,因為我覺得佢好有毅力,當年為追求自己嘅自由同理想,結果成功咗!」

拍戲過程輕鬆

此外,談到她的工作大計?她表示將有三部電影上映,而其中一套《全球熱戀》是與陳奕迅(Eason)合作的,問到與Eason合作的感受?她笑說:「我哋拍攝嘅過程好輕鬆,因為佢好識得搞氣氛,令大家好開心。」她又謂刻下最想拍姜文導演的電影,因為十分欣賞對方呢!而是次香奈兒服飾設計,繼續一貫的優雅高貴,壓軸以一套拖尾婚紗作結,甚有心思!