陳偉霆口擘擘 焗飲洗腳水
陳偉霆（William）為新歌拍攝MV，當中有一場與女dancers在鏡湖拍攝的場面，眾人起勢跳舞，令邊唱邊跳的William焗飲洗腳水，連工作人員都覺得反胃！
William日前為新歌《Baby don't cry》拍攝MV，由早上拍至深夜，當中耗時最長的是與8位女dancers於一個30x50呎的湖境上跳舞。因為水花四淺，將所有人員都弄濕，而一邊唱歌一邊跳舞的William笑指工作人員不敢張開口，因為濺出來的都是洗腳水。不過William因焗住開口唱歌，最終飲得最多洗腳水的是他自己，令工作人員非常反胃。
自創企鵝舞
另外，工作人員特別造了一件布滿200隻企鵝公仔、重達20磅的上衣作為William其中一個場景的服飾，非常可愛，令片場內的女士都紛紛要求與他合照。穿上重裝的William則大跳自創企鵝舞步，神似得來又有趣，令在場的工作人員哄堂大笑，就連導演都笑着叫cut。
William說：「呢個MV係講我個心住咗一個女仔，但係佢就好似畫廊入面一件唔識郁嘅蠟像咁畀人看守住，直到有一日佢終於發現我嘅存在，同埋知道我一直將佢放喺心入面，令佢流咗一滴人性嘅眼淚，變咗個真人，但佢因唔太理解人類嘅感情，最終變番蠟像。」
文：音樂組