傅穎羅仲謙合照漏罅

周秀娜、傅穎（Theresa）、羅仲謙、Jessica C.（JC）與林子善等前晚一同出席電影《熱浪球愛戰》的首映，過氣緋聞情侶Theresa與謙仔繼去年因感情鬧不和後，二人前晚首次同台，全程零交流，在合照時更行開半步，避免碰到對方。

忽然騷胸

Theresa表示不介意與對方同場，她說：「最緊要工作順利。（拍戲做情侶？）唔介意，都係做嘢啫。（原諒咗佢？）我依家生活好好，時常都好樂觀。」謙仔就解釋因無時間而未有與Theresa交談，完全不覺得氣氛尷尬。他表示將來若果工作上要合作都無問題，又讚Theresa大方。

JC露上又露下，甚有睇頭。

Theresa與謙仔夾着林子善，全程零交流，不過兩者依然堅稱唔尷尬。

另外，由於該片有一眾o靚模演出，前晚首映大家繼續「鬥波」，當中甚少露事業線的Theresa，被記者大讚性感，她說：「其實佢哋（事業線）不嬲都存在，等我返屋企讚吓佢哋先，都係等適合嘅時候先露吓。」

羅仲謙與娜姐合照時卻肩並肩。

周秀娜笑言讓其他人set波，自己擔任扣殺一角。

娜姐扣殺

至於穿Tube Dress密實上陣的娜姐被指慘敗時，她笑說：「話明打沙排就有人Set波啦，咁大家都唔想做扣殺時，今晚就我做啦！」她又透露早前返港時，在機場不慎拎錯行李而非常緊張，因為行李箱中有男友送給自己的生日禮物手袋，幸好當她折返機場時發現行李箱原封不動。

文：影視組