婷婷爆拉姑念乖孫淚如泉湧
謝婷婷昨日出席Asia Jet活動介紹飛機時，她表示：「想請全家人坐，六個人啱啱好。」事後被傳媒追問哪六個家人時，她即轉軚：「邊個得閒就邊個去。（邊個係你家人？）我都唔知，不如你話我知。」問到會否帶兩個姪仔去旅行？她表示現時有很多重要事要處理，而且姪仔們都有很多旅行機會，實行暗寸栢芝常帶兒子周圍去。
問到有關拉姑被栢芝打瘀鼻的傳聞，她回應說：「係舊相，應該係電腦特效。（媽媽有冇唔開心？）我覺得佢受咗好多委屈，好同情佢，其實佢最掛住個孫。佢好辛苦、好慘。家裏面有啲咁嘅事發生，大家都唔開心。」她更直言母親曾在她面前飲泣，眼淚如水流一般。
問到拉姑有沒有主動找栢芝？她說：「我諗冇，我哋都有一段時間冇見。（拉姑幾耐冇見對孫？）我諗有兩個幾月。（連朋友Rick Chin都有得見，唔公平？）暫時呢個時候，唔係一個爭嘅遊戲，過咗呢件事就應該唔會有阻礙。我都好掛住佢哋。」問到霆鋒是否於八日返港？是否已向栢芝送上離婚協議書？她一概表示不知道，看來不欲多談哥哥的事。