許穎裸照外洩 報警緝兇
網上近日流傳多張「葛女郎」Phoebe（許穎）的裸照，這批外洩照片多為自拍照，相中的她搔首弄姿，D Cup導彈表露無遺，她坦承早前在商場廁所遺失電話，其經理人公司正考慮是否報警嚴懲放相狂徒！
因被葛民輝睇中示範服裝及泳衣而火速上位的「葛女郎」Phoebe（許穎），憑其天賦34D上圍成功吸睛，今年更邀得日本攝影大師米原康正操刀影寫真，未知是否「樹大招風」，近日網上流傳多張Phoebe性感全裸照，一絲不掛的她對着鏡頭單眼自拍，盡騷其34D導彈索爆身材！
坦承是相中人
她昨接受電話訪問時，直認自己「大頭蝦」，於本月17日在商場廁所內遺失電話，她亦坦承自己正是相中人：「個電話有用密碼鎖，真係冇諗過啲相會流出！（點解會影呢啲相？）靚囉！都係貪玩，趁後生留倩影，希望啲人唔好睇得咁嚴重，外國好多女星都係咁！」
拾獲者曾威脅
原來早前已有神秘人在Phoebe的微博透露檢獲其手提電話：「佢威脅我話會將啲相公開，我啲粉絲都有幫手鬧佢，亦都建議我去報警。」問到即將推出寫真的她怕不怕被人誤會炒作，她大呼冤枉：「我真係唔見電話，已經好慘，唔需要用呢個方法炒作！（有冇更激嘅相？）應該冇，亦冇乜同男仔合照，依家最驚裏面啲相同電話等私隱被公開。」她正跟其經理人公司商量，或考慮尋求警方協助。
文：專案組