擾攘逾月的「鋒芝危情」終於明朗了！因跟慾照男主角陳冠希機艙自拍引爆婚變危機的栢芝，婚前愛到霆鋒要生要死的她，不但沒有向老公認錯，反而公開痛罵霆鋒「唔係好老公、好爸爸」。一直以緘默、忍讓保護家人的霆鋒則不甘被亂扣帽子，前日在北京剖白婚變宣言，終明白跟栢芝不能走下去，無奈離婚換回男人尊嚴。據知，霆鋒七月初在吉隆坡拍完電影《逆戰》宣傳片返港後，即全力着手搞離婚手續，跟栢芝一刀兩斷。
前晚身在北京的霆鋒完成電影宣傳，雖然所到之處都有大批粉絲打氣，對人歡笑背人愁的他返抵酒店房後一直自閉。據知，痛下離婚決定的他，在房內沉默寡言鬱鬱不歡，雖然叫了一碗餃子醫肚，但只食了幾隻，沒甚胃口，連平日可為他減壓的遊戲機亦無心玩樂，身心俱疲的他早早已上床休息。
消息指，由於北京和香港只是咫尺之隔，此行霆鋒好想抽空返港探望兩兒，因霆鋒自上月十二日專程從吉隆坡返港與Quintus慶祝生日後，直至昨天足足有四十七日沒見過一對兒子。對兒子牽腸掛肚的他，尤其是現在栢芝不在港，令霆鋒更擔心一對兒子無人照顧。掛仔掛到心痛的霆鋒，左度右度都不能返港見仔一面，令他更加憂心！
昨清晨五時許，霆鋒出發往首都機場，約七時二十分抵達。不過有消息指他沒走正常通道，在兩助手和一司機陪同下現身接機大堂，進入貴賓通道避記者。據知他撇甩記者後笑說：「啲記者影唔到我。」當記者要求助手請霆鋒出來影相時，助手謂他已睡覺。事後記者向機場詢問處了解，只要是航空公司VIP會員、頭等、商務乘客就可走貴賓通道。
約三時許，霆鋒穿回前日飛北京的黑超、風褸look抵達馬來西亞，聽着耳機的他在一名保鏢陪同下返酒店。而《逆戰》亦拍至尾聲，待七月初煞科後即可返港。
另外，謝賢被問有否看霆鋒剖白片段？他說：「唔會講嘢！（有咩感覺？）可以有咩感覺？（唔心痛？）咁又點呢？總之呢個時候唔係我講嘢時候！」
文：音樂組