霆鋒與栢芝婚變成城中熱話，網上出現多個關於兩人的討論議題，微博更發起「你相信張栢芝還是謝霆鋒？」投票。本報記者亦進行街訪，大部分人都不贊成兩人離婚，而囝囝撫養權誰屬，鋒芝各有支持者。
微博發起「你相信張栢芝還是謝霆鋒？」投票，截至昨晚上九點為止，有78,855人投票，栢芝經理人Emily當然投給栢芝，霆鋒超級粉絲細恩則投給霆鋒。栢芝暫以41%、約32,000人投票支持領先，而霆鋒則有約17,000人支持，佔比21%。其他則表態兩個都不信、繼續觀望或不予置評。
網上亦有網民設「撫養權誰屬」的投票區，至截稿前約有39人投票表達意見，有13人表示應由霆鋒得撫養權，至於栢芝就得18票，1人指應將Lucas歸栢芝，Quintus跟霆鋒，另一票則指鋒芝「根本唔會離婚」。
街訪李小姐：我係唔贊成鋒芝離婚，因為當初佢哋兩人都講到有幾愛大家，但我會幫霆鋒囉，我覺得應該判兩個仔嘅撫養權畀霆鋒。
街訪蘇小姐：我唔贊成鋒芝離婚，我覺得佢哋仲係鍾意對方嘅。至於小朋友嘅撫養權，我覺得應該判畀栢芝囉，霆鋒經常掛住打機。