張家輝：分手唔係悲劇
王晶、張家輝與謝霆鋒昨日齊齊在北京出席新片記者會，家輝大讚霆鋒處理得體，對任何人及事均留有餘地：「希望大家畀空間佢哋冷靜處理，我見佢喺台上嗰陣一直若有所思，呢個情景係我之前未見過嘅！（佢講完都唔知離婚定唔離？）呢啲嘢可能冇答案！」
他不諱言夫妻相處「冇死局」：「床頭打交床尾和！」其後更「詩人」上身說：「兩公婆曾經相愛要分開唔係悲劇，但如果分開嗰陣講難聽說話就係悲劇！不如諗番當日幾咁愛！」問到會否向霆鋒傳授夫妻相處之道，家輝笑說：「超！我都唔知點教人！總之我見老婆同個女開心就開心！」
至於霆鋒在台上心情不俗，更自嘲拍攝《財》片時是王晶代言人：「因為嗰陣係呢兩、三年最肥嘅期間！」當王晶談到Lucas有份客串另一新片時，霆鋒亦表現從容。此外，王晶事後在微博留言：「今天霆鋒在《財神客棧》發布會上真情自白，令人動容。」